न्याय-सिद्धान्त-मुक्तावलि-नामकः ग्रन्थः विश्वनाथपञ्चाननकृतः नव्यन्यायशास्त्रे महत्वपूर्णं स्थानम् आवहति। तस्मिन् ग्रन्थे विद्यमानान् मुख्यांशान् पाठयितुं मद्रपुरी-संस्कृत​-महाविद्यालये प्रशिक्षणवर्गः (workshop) 2022 April मासे षट्सु दिनाङ्केषु प्राचलत् यत्र विभिन्नेभ्यः प्रान्तेभ्यः महान्तः विद्वांसः समागत्य प्रशिक्षणवर्गान् पाठितवन्तः। तस्मिन् च कार्यक्रमे साक्षात् बहवः छात्राः भागम् अगृह्णन्। केचन च अन्तर्जालमाध्यमेन (zoom द्वारा) भागम् अगृह्णन् यत्र च अधिवेशनानां मुद्रणम् (Recording) अस्माभिः कृतम्। तेषामेव अधिवेशनानां मुद्रणानि (recordings) अत्र प्रकाश्यन्ते। अयं पाठ्यक्रमः प्रशिक्षणवर्गस्य मुद्रणरूपः इति कारणात् प्रशिक्षणवर्गे च सामान्यतः पाठ्यत्वेन सङ्कल्पितस्य विषयस्य समाप्तिः न भवतीत्यतः मध्ये मध्ये विषयाः असम्पूर्णाः अपि भवेयुरेव​। अपि च चलचित्रमुद्रणमिदं (video recording) zoom माध्यमेन कृतमित्यतः अस्मदीयान्यपाठ्यक्रमापेक्षया चित्रस्तरे (video quality) न्यूना भवन्तीत्यपि ज्ञेयम्। तथापि महामहोपाध्याय​-मणिद्राविडाचार्याणां धात्वर्थ​-आख्यातार्थनिरूपणं, श्रीमतः P.R वासुदेवन् महोदयस्य पक्षतास्वरूपवर्णनणं , नवीनहोल्ल महोदयानां सिद्धान्तव्याप्ति-निरूपणणं, Dr. K.S. महेश्वरन् नम्बूतिरिमहोदयानां प्रत्यक्षनिरूपणं Prof. K.E. देवनाथाचार्याणां प्रामाण्यवादनिरूपणम् इत्यादयः बहवः विषयाः न्यायजिज्ञासुभिः नैव उपेक्षणीयाः।